David Apéllaniz, Carlos Apéllaniz eta Luis Fernández Castelló - Arabako Musika Klasikoko Zikloa

19/08/2022 - 30/11/1899

Ordutegia: 20:00
Tokia: Bilar. Jasokundeko Andra Mariaren Eliza
Prezioa: Doan

DAVID APELLÁNIZ, CARLOS APELLÁNIZ eta LUIS FERNANDÉZ CASTELLÓ
Beethoven - Schumann - Brahms lanak

 

 

Programa

Ludwig van Beethoven (1770-1827)

Trío en sib mayor op. 11 "Gassenhauer" para clarinete, violonchelo y piano (1798)

Allegro con brio - Adagio - Tema con variazioni: Allegretto

Ludwig van Beethoven

Variaciones WoO 46 sobre la ópera "La flauta mágica" para violonchelo y piano (1801)

Robert Schumann (1810-1856)

Piezas de fantasía Op. 73 para clarinete y piano (1849)

Zart und mit Ausdruck - Lebhaft, leicht - Rasch und mit Feuer

Johannes Brahms (1833-1897)

Trío en la menor Op. 114 para clarinete, violonchelo y piano (1891)

Allegro - Adagio - Andantino grazioso - Allegro

 

Luis Fernández Castelló, klarinete jotzailea

 “Goi mailako baliabide teknikoak dituen klarinetista, kalitate estetiko handiko musika zentzuaren maila berekoak”, SCHERZO.

Fernández-Castellók sariak jaso ditu besteak beste “Rising Star Berlin”, “Primer Palau”, “Primer Auditorio” eta “Juventudes Musicales de España” ekitaldietan, eta bere ezaugarri nagusia da “berotasun eta gozotasun finez beteriko soinua”, OPERA WORLD. Bakarlari eta ganbera musikari gisa ibilbide interesgarria egin du, eta nazioko zein nazioarteko jaialdi garrantzitsuetan izan da, hala nola Frantzian, Alemanian, Italian, Luxenburgon, Belgikan, Holandan, Grezian, Marokon eta Portugalen, eta Espainiako areto nagusietan ere aritu izan da.

Errepertorio klasiko eta erromantikoaren interpretazioengatik nabarmentzen da Fernández-Castelló, baina interes berezia sentitzen du bere garaiko musikarekiko ere, eta lan handia egin du nabarmentzeko moduko konpositoreekin, esate baterako Francisco Coll, Leonardo Balada, José María Sánchez-Verdú edo Luca Francesconirekin, eta ehun estreinaldi baino gehiago ekoitzi ditu, besteak beste Jesús Torres, Miguel Gálvez-Taroncher, Sergio Blardony eta Claudio Prietorenak. Orpheus zigiluko "The Singing Clarinet" diskoak kritika espezializatuaren goraipamenak jaso ditu, eta lan horrekin Fernández-Castelló bere belaunaldiko klarinete jotzaile aipagarrienetako bat bezala aurkezten da.

Nabarmentzekoak dira, halaber, RNE, Catalunya Ràdio, Transópera, Deutsche Grammphon, Naxos eta PrimTONerako egin dituen grabazioak. Klarinete klasikoko ikasketak egin zituen Lorenzo Coppolarekin, eta antzinako musikan espezializatutako El Teatre Instrumental taldeko kide da. 2016az geroztik Artista Henri Selmer-Paris eta Artista Vandoren-Paris da. 

David Apellániz, biolontxelo jotzailea

Prestakuntza musikala Frantzian jaso zuen Jacques Douérekin. Reina Sofía Goi Mailako Musika Eskolan goi mailako prestakuntza egin zuenean, Frans Helmerson maisuaren ikasle izan zen. Honako hauen aholkuak jaso ditu: N. Gutman, D. Geringas, B. Pergamenchikov, B. Greenhouse, P. Müller, Trio Beaux Arts, Cuarteto Hagen eta Cuarteto Italiano. Xavier Gagnepain maisua, izen handiko frantses musikaria, izan da musikarekiko harremanean gehien eragin diona.

Bakarlari jarduten du Sevillako Errege Orkestra Sinfonikoarekin, Lisboako Orquesta Gulbenkianekin, Extremadurako Orkestrarekin, Lyongo Ensemble Nazionalarekin, Kordobako Orkestrarekin, Hondurasko Orkestra Nazionalarekin, Valentziako Orkestra Sinfonikoarekin, Murtziako eskualdeko Orkestra Sinfonikoarekin, Bartzelonako Orkestra Sinfonikoarekin, Ciudad de Granada Orkestrarekin, Reina Sofía Ganbera Orkestrarekin, Gijongo Orkestra Sinfonikoarekin, Malagako Orkestra Filarmonikoarekin eta abarrekin, ziklo eta aretorik garrantzitsuenetan, hala nola Salzburgoko jaialdia, Lyon eta Nizako jaialdia, Konzerthaus (Berlin), “a Tempo” jaialdia (Caracas), Madrilgo Auditorio Nazionala, Teatro Maestranza (Sevilla), Palau de la Música Catalana, Granadako Nazioarteko Jaialdia, Palacio de Festivales (Santander), Donostiako Musika Hamabostaldia, eta abar. 

Carlos Apellániz, piano jotzailea

Irunen jaio zen (Gipuzkoa).  Musika prestakuntza hobetzen jarraitu zuen Pariseko Goi Mailako Musika eta Dantza Kontserbatorio Nazionalean Jacques Rouvier eta Pascal Devoyon maisuekin, eta pianoko sari nagusia eta ganbera musikako sari nagusia eskuratu zituen.  

Bere ibilbide sendoari esker, nazioarteko bost sari nagusi irabazi ditu eta musika jarduera etengabea garatu du, zeinak lau kontinentetan aritzea ahalbidetu baitio: Espainia, Frantzia, Belgika, Alemania, Hungaria, Portugal, Erresuma Batua, Italia, Danimarka, Txina, AEB, Maroko, Venezuela, Argentina, Mexiko, Kuba, Mozambike, eta abar. Bakarlari gisa, Orchestre Nationale de Bayonne, Andrés Segovia Ganbera Orkestra, Pablo Sarasate Orkestra, Orchestre de Chambre de Marseille, Valentziako Orkestra eta Valentziako Grup Instrumental taldeekin aritu da izen handiko aretoetan, hala nola Palau de les Arts, Palau de la Música, Madrilgo Auditorio Nazionala, Pariseko Salle Gaveau, Buenos Aireseko Teatro Colón eta beste hainbatetan.

 

Kontzertu hau Arabako Musika Klasikoko Zikloaren parte da. Abuztuko bigarren hamabostaldian, egingo da Trebiñun, Bilarren, Artziniegan, Santikurutze Kanpezun, Zalduondon eta Murgian, eta eskaintza askotarikoa eta kalitatezkoa izango da; besteak beste, ospe handiko soinulariak, ganbera orkestra, harizko taldeak...