ARTgia sorgune & aretoak beka deialdi berria aurkeztu du - ARTgia sorgune & aretoak beka deialdi berria aurkeztu du
ARTgia sorgune & aretoak beka deialdi berria aurkeztu du
03/06/2019
Deialdia Arabako artistei dago zuzenduta. Maiatzaren 20tik ekainaren 10era bitartean aurkeztu daitezke proiektuak.
Deialdi honen bidez, Arabako artista berri zein ibilbidea duten artisten lana sustatu nahi du ARTgia sorgune & aretoak. Deialdiak ARTgia sorgune & aretoak abiarazten duen ARTgia da ildo estrategikoari erantzuten dio.
“ARTgia da Arabako artistei erakusketa-gunea irekitzearen aldeko apustua da, hitzetatik ekintzetara salto egiten duena. Hala, beren artelanak ARTgia aretoan (Vitoria-Gasteizko Jose Lejarreta kalea 41 helbidean) erakutsi eta hedatzeko bitartekoak eskaintzen ditu eta, gainera, proiektu irabazleek 400€ko diru-laguntza jasoko dute”, azaldu du Irantzu Lekue aretoko zuzendaria.
Deialdiak 2019ko maiatzaren 20tik ekainaren 10era bitartean egongo da irekita, 23:59ak arte, eta horixe izango da proiektuak aurkezteko epea. Deialdi hau hainbat agenteren eta erakunderen arteko lankidetzaren uzta da; hala nola, Kultur ACT elkarte artistiko eta kulturala, ARTgia aretoa eta Vitoria – Gasteizko Udalaren Kultura, Hezkuntza eta Kirol Sailaren finantzazioa.
