angle-left Arabako Antzinako Musikaren Astea

Arabako Antzinako Musikaren Astea

Semana de Música Antigua de Álava

Arabako Antzinako Musikaren Asteak, Arabako Foru Aldundiaren Euskara, Kultura eta Kirol Sailak antolatuta, Erdi Aroko, Errenazimenduko eta Barrokoko musika lanak interpretatzen diren kontzertuak eskaintzen ditu urtero irailean. Kontzertuetan garai horretako musika tresnak jotzen dira, jatorrizkoak edo jatorrizkoen kopiak.

 

Arabako Antzinako Musikaren Asteak, Arabako Foru Aldundiaren Euskara, Kultura eta Kirol Sailak antolatuta, Erdi Aroko, Errenazimenduko eta Barrokoko musika lanak interpretatzen diren kontzertuak eskaintzen ditu urtero irailean. Kontzertuetan garai horretako musika tresnak jotzen dira, jatorrizkoak edo jatorrizkoen kopiak.

Hogeita hamar edizio baino gehiago eginda, “Astea” gure lurraldeko musika arloko erreferentzia puntu bat bilakatu da, eta bilgunerik jendetsuenetako bat, gonbit txartelen banaketa iragartzen den bakoitzean sortzen diren ilara luze-luzeek agerian jartzen duten bezala.

Astearen erdigunea Gasteizko Santa Maria katedrala da, bertan ematen baitira kontzertu gehien-gehienak. Baina Arabako hiriburua ez da protagonista bakarra, jaialdia Araba guztira zabalik baitago, lurraldeko hainbat herritan ematen diren kontzertuekin.

 

Historia

Bere historia luzean, Antzinako Musikaren Astea hainbat agertokitatik pasatu da, hala nola San Pedro eliza, San Bizente eliza, Santa Maria katedrala, Escoriaza-Esquivel jauregia edo Villasuso jauregia, eta 2016. urteaz gero Arabako Lurralde Historikoko zenbait herritako elizetara ere hedatu da.

 

Jotzaileak

Arabako Antzinako Musikaren Astean, Espainiako eta nazioarteko artistek parte hartu dute, hala nola Carlos Mena, Sara Mingardo, Emma Kirkby, Jordi Savall, Vittorio Ghielmi, Kenneth Weis, Pierre Hantaï, Hopkinson Smith; zuzendarien artean, aipa ditzagun Eduardo López Banzo, Peter Phillips, Fabio Biondi eta Rinaldo Alesandrini; eta taldeen artean, Tallis Scholars, Il Giardiano Armonico, Europar Batasuneko Orkestra Barrokoa, Orquesta Barroca de Sevilla, Al Ayre Español, His Majesty’s Sagbutts and Cornetts eta abar luze bat.

 

Sarrera

Sarrera doakoa da. Gonbidapen txartelak banatzen dira, kontzertuen aurreko prentsaurrekoaren bidez horren berri emanez. Horiek ez dira beharrezkoak hiriburutik kanpo ematen diren kontzertuetara sartzeko, sarrera dohainik baita, legez baimendutako pertsona kopurua osatu arte.

 

 

 

2019 KO XXXVII. ARABAKO AINTZINAKO MUSIKA ASTEA