TAE ARABAK etapa berri bati ekin dio Agurainen

2022-2023 ikasturtean, Tae Arabak, Arte Eszenikoen Tailerrak, etapa berri bati ekin dio, bere helburuak betetzeko beste urrats bat emanez, bere lana Arabako lurraldean zehar hedatuz. Horrela, tradizionalki Gasteizen egin izan duen eskaintzaz gain, AGURAINGO UDALAREKIN egindako akordio bati esker, Arabako Taek bost ikastaro eskainiko ditu lehen aldiz Agurainen, haur, gazte eta helduentzat.

TAE Arabaren eskaintza Agurainen 2022-2023 ikasturterako honako hau da:

 

2023 ikasturtea. Agurain	Hizkuntza	Taldeak<	Ordutegia
Haurrak 3-5 urte	Euskera	Ostegunetan	17:00-18:00
Haurrak   6-10 urte	Euskera	Ostegunetan	18:00-19:00
Haurrak 11-14 urte	Euskera	Ostegunetan	19:15-20:15
Gazteak	Euskera	Ostiraletan	17:00-19:00
Helduak. Hastapen maila	Euskera eta gaztelaniaz	Astelehena, Asteartea eta Asteazkena	19:00-20:30

 

Zabalik dago izena emateko epea, eta irailaren 22ra arte egin ahal izango da, lehenengo fasean, Arabako Taeren egoitza nagusian, Gasteizko Errege Katolikoen kaleko 4 zenbakian edo online, tae.araba.eus/eu/preinscripcion-agurain formularioa betez.

Uztailaren 26ko 34/2022 Foru Dekretuak zehazten ditu ikasturte bakoitzeko prezioa publikoak. Hobariak aplikatuko dira familia ugariengatik, gutxienez bi seme-alaba matrikulatuta dituzten familiengatik, langabetuengatik, DSBE edo GPI jasotzen dutenengatik eta % 33ko edo gehiagoko desgaitasuna duten ikasleengatik.

Tae Araba, Arte Eszenikoen Tailerra, Euskal Herriko antzerki-irakaskuntzaren zentro aitzindaria da eta Arabako Foru Aldundiak sustatu eta finantzen du.

 

Informazio guztia tae.araba.eus webgunean kontsulta daiteke.

Edozein argibide emateko edo informazio gehiago nahi izanez gero, jarri harremanetan Tae Arabaren postontziaren bidez: tae@araba.eus