KulturAraba Bulegoa

 

Bulegoak orientazio, informazio eta laguntza zerbitzua eskaintzen die Arabako kultura sektoreko erakundeei eta profesional autonomoei.

Gasteizko erdialdean bulegoa duela, Araban kulturaren inguruan dauden baliabideei buruzko aholkularitza eskaintzen du, eta, hala, sektore profesionala hobetzea sustatzen du.

 

Kulturaraba Bulegoak harremanetarako bide hauek eskaintzen ditu:

 

 

 

KulturAraba Bulegoko zerbitzuen katalogoa

 

 

Arreta bulegoak eskuragarri dauden dirulaguntzei buruzko informazioa eskaintzen du, laguntza ematen die eragileei kultura proiektuak garatzean, eta sektorea dinamizatzen du, ekitaldiak eta harreman sareak sortuz. 

Horretarako, lan taldea honako hauek osatzen dute:

  • Erabiltzaileek eskatzen dituzten gaien inguruan laguntzeko eta erantzuteko arreta langileak.
  • Zerga eta lan arloko espezialistak.
  • Diziplina anitzeko taldea, KulturArabatik hilero bultzatzen diren topaketak sustatzeaz arduratzen dena.

 

 

Dirulaguntzei buruzko informazioa  

KulturAraba Bulegoak, Arabako Foru Aldundiaren eragile propioa denez, dirulaguntzei, deialdiei, lehiaketei eta abarri buruzko informazioa dauka. Informazioa zabaltzeko eta sektore osoaren eskura jartzeko lan egiten dugu.

Zerbitzuak irtenbidea eman nahi die kultura eta sorkuntza proiektuen garapenari eta kudeaketari buruzko zalantza eta galdera guztiei, gai hauen inguruko ezbaiak argituz: finantzaketa, prestakuntza, zerga sistema eta legezkotasuna, baliabide bereziak...

 

 

 

Sektoreko eragileei laguntzea 

Dirulaguntzak lortzen laguntzeaz gain, KulturAraba Bulegoak laguntza zerbitzu bat dauka edozein kultura proiektu abian jartzeko.

Proiektu bakoitza abian jartzeko unean, aukera izango da KulturAraba Bulegoko langileekin batera proiektua zehazteko, beharrak identifikatzeko, harremanak lortzeko...

 

 

 

Sektorea dinamizatzea

Harreman sare bat izatea eta networking jarraitua sortzea dira KulturAraba Bulegoren ekimen nagusietako batzuk.

Langileek etengabe egiten dute lan networking-eko ekitaldiak eta proiektuak sortzen, eta beti daude prest ekitaldi eta proiektu horiek abian jartzeko edozein ekimeni babesa emateko.

Era berean, Kulturaraba bulegoak topaketa batzuk antolatzen ditu urtero, Topaketak prestakuntza programaren barruan. Arabako Lurralde Historikoan kultura osatzen duten entitate eta erakundeetan eskuragarri dauden baliabideak indartzea dute helburu, baita lankidetza sareak sustatzea ere.

Izena ematea

 

 

Buletina

 

KulturAraba Bulegoak buletin bat prestatzen du hamabostean behin, lurraldeko kultura eragileek dirulaguntzei buruzko informazioa jaso dezaten eta sektorerako baliagarriak eta interesgarriak izan daitezkeen sari, deialdi eta baliabide gehiagoren berri izan dezaten.

Harpidetu zaitez hemen, buletina emailean zuzenean jasotzeko eta ezer ez galtzeko, :

 

Harpidetu

 

 

Kulturaraba Bulegoaren jatorria 

Arabako Foru Aldundiak, Gasteizko Udalak eta Laboral Kutxak ituna egin dute KulturAraba Bulegoak kultura erakundeei eta profesional autonomoei informazioa eta laguntza emateko zerbitzuarekin jarraitzeko. Zerbitzu hori proiektu pilotu gisa jarri zuen abian iaz Arabako Foru Aldundiaren Euskara, Kultura eta Kirol Sailak. 

Programa pilotu horrekin, abian jarri zen Arabako Kulturaren Plan Estrategikoaren (2017-2020) Kultura Erakundeak Sendotzeko eta Modernizatzeko Programaren lehentasunezko ekintzetako bat.

Gasteizko Udalak, ekimen honen bidez, jarraitu egiten du garatzen tokiko sorkuntzaren aldeko lan ildoa, zeina jasota baitago 2018-2020 aldirako Kulturaren Plan Estrategikoan, eta lehentasunezko helburu baitu tokiko kulturaren prestakuntza, sorkuntza, ekoizpena eta berrikuntza sustatzea.

Laboral Kutxa proiektu honetara biltzen da kulturako ekimen ekintzaile berriei bere ezagupenak eta aholkularitza eskainiz, Gaztenpresa Fundazioaren bidez. Izan ere, Fundazio horren helburua da gure ingurunean enplegua sustatzea, ideia sortzen denetik finantzatzen den arte, laguntza emanda eta sorkuntza bakoitzari aholkularitza pertsonalizatua eskainita.

Azken batean, lurraldeko bi erakunde publiko nagusien kultura politiken arloko estrategiak biltzen dira, berriro ere, KulturAraba Bulegoan. Eta, oraingoan, erakunde pribatu bat batuta, ilusioz betetako agertoki bat datorkigu aurrera, enpresa bokazioa duten sorkuntza eta kultura ekimenen ekintzailetza, berrikuntza eta babes arloko lankidetza publiko-pribatuarena.